Islam sirf ek mazhab nahi, balki ek mukammal zindagi ka nizaam hai jo insani zindagi ke har pehlu ko raah dikhata hai. Allah Ta’ala ne apne paighambar Hazrat Muhammad ﷺ ke zariye hidayat ka paigham diya, jise har momin ke liye apnana zaroori hai.
Qurbani ki Ahmiyat aur Maqsad
Qurbani ka hukm Allah ne Hazrat Ibrahim علیہ السلام ki sunnat ke tor par diya hai, jab unhone Allah ke hukum par apne bete Hazrat Ismail علیہ السلام ko qurbani karne ka irada kiya. Allah ne unki azmaish ko qabool kiya aur is sunnat ko qayamat tak musalmanon ke liye ibadat banaya.
Qurbani sirf gosht ka kaam nahi hai, balki yeh ikhlaqi aur roohani safai ka zariya hai. Quran-e-Kareem me farmaya gaya:
“Na to Allah tak in jaanwaron ka gosht pahuchta hai aur na khoon, balki us tak tumhara taqwa pahuchta hai.” (Surah Al-Hajj: 37)
Qurbani Karne ki Taleemat
Qurbani sirf unhi jaandar janwaron ki hoti hai jo shariyat ke mutabiq ho.
Bharat mein gay ki qurbani pratibandhit hai, is wajah se bakri, dumba aur oont ki qurbani ki ja sakti hai.
Qurbani Eid-ul-Adha ke din se lekar agle do din tak ki ja sakti hai.
Aaj ke Daur Mein Islamic Talim aur Qurbani ka Paigham
Qurbani humein taqwa, farmaa’bardari aur insaniyat ka dars deti hai.
Qurbani ke gosht ka ek hissa gareebon aur zaruratmandon ko dena islami talim ka ek aham hissa hai.
Is amal se musalmanon ke darmiyan mohabbat aur bhai chara badhta hai.
Dua:
Allah humein apne ahkaam par chalne ki taufeeq de aur Qurbani ke asal maqsad ko samajhne ki hidayat ata farmae. Aameen.
Aap apni Qurbani is website book kr skte hai Online Qurbani in India